Қазақстан Республикасы Мәдениет және ақпарат министрлігінің
  «Орталық мемлекеттік архив» РММ Жеке тектік архивтермен және тарихи-құжаттық топтамалармен жұмыс жасау бөлімінің жоғары деңгейдегі архивисі Рахмет Гүлназ Шамқызының мақаласын оқи отырыңыздар.

  Ұлттық валютамыз теңгенің айналымға түскенінің 30 жылдығына орай және ұзақ жылғы атқарған қызметі үшін ҚР ОМА бас бухгалтері Шортанбаева Карлыга Несипжановна Қазақстан Республикасының Мәдениет және ақпарат министрі Балаева Аида Ғалымқызының алғыс хатымен марапатталды.
  ҚР ОМА атынан Карлыга Несипжановнаны алғыс хатымен шын жүректен құттықтай отырып, деніңізге саулық, отбасыңызға амандық және еңбек жолыңыз жана берсін деп тілейміз!
 

  17 қарашада Ақтөбе облысы мемлекеттік архивінің 100 жылдық мерейтойына арналған "Архив - ел тарихының шежіресі" атты салтанатты шара мен "Тарих және архив: тың деректерді анықтау және зерттеу мәселелері" атты республикалық ғылыми-практикалық конференциясы өтті.
  Салтанатты шарада Қазақстан Республикасы Президентінің кеңесшісі Мәлік Нұржанұлы Отарбаев ҚР Президенті Қасым-Жомарт Кемелұлы Тоқаевтың құттықтау хатын оқып, тарихи құттықтауды АОМА директоры М.Тулеубайға тапсырды. Сонымен қатар, салтанатты шараға қатысқан облыс әкімі Асхат Шахаров архив ұжымын құттықтап, архив қызметкерлеріне өз атынан марапаттар тапсырды.

  2023 жылдың 2-3 қарашасында Маңғыстау облысындағы архив ісіне 100 жылдығы мен Маңғыстау облысының мемлекеттік архивінің 50 жылдығына арналған салтанатты іс-шара және «Маңғыстаудағы архив ісі: Ұлттық архив қорын жинақтау, сақтау және цифрлау мәселелері» республикалық ғылыми-тәжірибелік конференциясы өтті.
 

ҚР ПА ұйымдастыруымен Республика күніне арналып стол теннисінен өткен Алматы қаласы архивтерінің арасында өткен турнирде ҚР ОМА қызметкері Мұқатай Меруерт 1-ші орын алды!

  Қазақстан Республикасы Орталық мемлекеттік архиві Халқымыздың аса көрнекті ақыны, мемлекеттік сыйлықтың лауреаты, халық жазушысы, “Балдырған” журналының тұңғыш бас редакторы Мұзафар Әлімбаевтың туғанына 100 жыл толуына орай арнайы дайындаған түпнұсқа құжаттардың көрмесін Қазақстан Республикасының Ұлттық кітапханасында Мұзафар Әлімбаевтың туғанына 100 жыл және “Балдырған” журналының шыға бастағанына 65 жыл толуына орай өткен “Мұзафар Әлімбаев және “Балдырған” журналы” атты республикалық ғылыми-тәжірибелік конференциясына қатысушылар көрсін деп, арнайы ҚР Ұлттық кітапханасына әкеліп орналастырды.

  24 қазанда ҚР Орталық мемлекеттік архивінің ауласы қоқыстар мен ағаш жапырақтарынан, жануы мүмкін ағаш бұталары мен шырпылардан, қурайлардан толық тазартылды. Тазалық күніне атсалысқан Қазақстан Республикасы Орталық мемлекеттік архивінің қызметкерлері мен Қазақстан Республикасының Кино, фото және дыбыс жазбалары архивінің қызметкерлеріне үлкен алғыс білдіреміз!

  Құрметті қазақстандықтар!
  Республика күні құтты болсын! 25 қазан - еліміздің тарихындағы маңызды күн. 1990 жылы Қазақстанның Мемлекеттік егемендігі туралы декларация қабылданды. Республика күні - еліміздің басты мерекелерінің бірі.
  Бұл мереке көпұлтты халқымыздың бірлігінің, әрқайсымыздың туған өлкемізге деген шексіз сүйіспеншілігіміздің, тарихи қауымдастығымызды және Қазақстан Республикасының елеулі әлеуетін түсінудің символы болып табылады.

  Қазақстан Республикасы Мәдениет және ақпарат министрлігі Орталық мемлекеттік архивінің ұйымдастыруымен «Егемендік декларациясы: тәуелсіздіктің бастауы» атты дөңгелек үстел өтті.
 
  Тарихи күнге арналған жиын Орталық мемлекеттік архиві дайындаған көрмені тамашалаудан басталды. Еліміздегі маңызды құжат - Қазақстан Республикасының мемлекеттік егемендігі жөніндегі декларацияның түпнұсқасы Орталық мемлекеттік архивінде сақталған. Басқосуға келген қонақтар «Қазақ Кеңестік Социалистік Республикасының мемлекеттік егемендігі туралы» декларациясы және оны дайындау барысында құрылған құрылған комиссия құрамы мен жұмысына қатысты тарихи құжаттардың түпнұсқасы қойылған көрмемен танысты.

  19 қазан күні Ұлттық архив қорын толықтыру және заңды тұлғалардың архивтерімен жұмыс істеу бөлімінің архивистері – Б.А.Диханбекова мен А.Кенжалы «Құжаттама жасау және құжаттаманы басқару. Құжаттарды дайындау және ресімдеу тәртібі» және «Ұйымдарда істер номенклатурасын жасаудың қажеттілігі» тақырыптарында мемлекеттік тілде дәріс оқыды. Семинарға қатысушыларға архив қоймалары мен архивтік құжаттарды қалпына келтіру және цифрландыру бөліміне экскурсия өткізу, тәжірибелік сабақ өткізілді.